الملزمه الرمضانيه 2009 ( اقرأ - نفذ - صور - انشر )

الموضوع ده موجود فى منتدى من اجمل واروع احلى المنتديات اللى ممكن تفيد وتغير طريقك وحياتك اكيد للاحسن
فحبيت كل اللى فى المنتدى يستفيد منه علشان كده نقلته هنا يارب تستفيدوا ان شاء الله ( الموضوع )

الملزمه الرمضانيه 2009 ( اقرأ - نفذ- صور - انشر )
-----------------------------------------------------------------------
بسم الله الرحمن الرحيم
*********************
((((((( 2009 الملزمة الرمضانيّة )))))))

يا بشرى..ها قد جاء رمضان
الحمد لله رب العالمين..الحمد لله على نعمة الاسلام..الحمد لله على نعمة الايمان..الحمد لله على نعمة الهداية والالتزام..الحمد لله على نعمة "رمضان"..الحمد لله الذى بلغنا رمضان..الحمد لله..الحمد لله
مات فلان..وماتت فلانه..ولم يلحقوا رمضان هذا العام..فالحمد لله الذى أحيانا حتى بلغنا رمضان
الحمد لله رب العالمين

ها قد عاد رمضان من جديد..جاء رمضان بالهداية والنور والفرحة والسرور..فهيا بنا
هيا بنا يا أخوتى فى الله نتلقى ذلك الضيف الكريم بالفرحة والسرور
هيا بنا نتلقى الطيف الكريم الشفاف..لهلال هذا الضيف القادم من الانوار الربانية الرحبه
هيا بنا لاننا فى رمضان فى مواجهة حقيقية مع انفسنا..فالجنة قد فتحت..والنار قد أغلقت..والشايطين قد سلسلت..فأين نحن من انفسنا الان؟؟وقد تركنا مع انفسنا لتظهر على حقيقتها..بعيدا عن حربنا مع الشياطين المسلسلة الان..فهيا لنظهر انفسنا على حقيقتها ونصلح ما فيها قدر الامكان
هيا بنا نتهيأ لأستقبال شهر التقوى بأزالة كل آثار الشحناء والخصومة بيننا وبين بعضنا..وتتمثل تلك القلوب_الصافية المحبه لله عز وجل_ حول رسول الله صلى الله عليه وسلم وكأنها مصابيح للهدى ..وحول القران وكأنها أنغام ربانية لطيفة..ونأخذهما _القران والسنة_منهاجا لحياتنا فى رمضان وبعد رمضان حتى تصبح حياتنا كلها رمضان
هيا بنا فشهر رمضان هو شهر الاصلاح..وسيظل الاصلاح والامل فى تحقيقه سرابا عند بعض الناس..ولكنه يقينا عند من تحرك وسعى من أجله فى تلك الدنيا..فأن تكوين الأمم وتربية الشعوب ومناصرة المبادىء وتحقيق الآمال تحتاج ممن يقوم بها الى قوة نفسية عظيمة..تحتوى على:

*أرادة قوية..لا يتطرق أليها ضعف أو لين
*ووفاء ثابت..لا يبدو عليه تلون او غدر
*وتضيحة عزيزة..لا يحول دونها طمع أو بخل
*ومعرفة بالمبدأ وايمان به يعصم من الخطأ فيه أو الانحراف عنه
وهذا كله ما هو الا نتاج ذلك الشهر الكريم..

فهيا بنا أحبائى فى الله..فها قد جاء رمضان..هيا بنا نستعد له..ونعمل فيه..حتى نكون فيه من المتقين..قال تعالى: "﴿ يَا أَيُّهَا الَّذِينَ آَمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ﴾ البقرة:183

صدق الله العظيـــــــــــم

*******************************
يلا بينا نصوم بجد
****************
عندك كام سنة؟؟
20...22..25..30..؟؟؟ ياااه بقالك 20 سنة بتصوم نفس الصيام ده..مش ناوى تغير بقى؟؟
عايزين نصوم السنة دى بجد..تعرف ان الصوم على 3 انواع؟؟
النوع الاول: صيام العوام: وده هو صيام الفرج والبطن..وده ملايييين بيصوموه..وصيامه بينتهى بمجرد اذان المغرب..وبعدها..ترجع ريمة لعادتها القديمة..والصنف ده وان كان شال عن نفسه الفريضة.. ولكنه لم يستمتع بحقيقة الصوم.

النوع الثانى:صيام الجوارح..يعنى ايه؟ يعنى جوارحى صايمه..عينى صايمه عن الحرام فمش هتبص للقطة فى فيلم او لموقع اباحى على النت..وأذنى صايمه فمش هتسمع الحرام ولا تسمع غيبة ولا نميمة ولا غناء محرم..ولسانى صايم فمش هيقول الحرام ولا يشتم ولا يسب او يلعن أو يكذب..وايدى صايمه فمش هتاخد فلوس حرام او تمسك بيها حاجه حرام (السجائر)..ورجلى صايمه فمش هتمشى للحرام ابدا..انا كل جسمى صايم..تعرف تصوم كده؟؟ لو صمت كده ساعتها بجد تستحق ثواب رمضان والدخول من باب الريان فى الجنة والاستمتاع بحقيقة الصوم
النوع الثالث: وهو صايم القلب..وهو أعلى المراتب..وهو ان قلبك يكون مع ربنا طول الوقت..فى الشغل..فى الجامعة..فى البيت..مع اصحابك..طول الوقت..انا معاك يارب..بفكر فيك وبذكرك وبحبك قوى ومعاك طول الوقت..
تعرف تصوم كده؟؟ تعرفى تصومى كده؟؟
يلا بجد نصوم بجد السنة دى ..وكفايانا بجد صيام البطن ده..نصوم بجد السنة دى عشان ندخل من باب الريان ونبقى ساعتها من المتقين
يلا نصوم الصيام الحقيقى
الصيام الذى يُكسب الصائم صفة الإخلاص لله وحسن مراقبته؛ لأنه سرٌّ بين العبد وربه
الصيام الذى فيه مجاهدة لرغبات النفس والجسد، وفي ذلك تقوية لإرادة المسلم
الصيام الذى يُكسب الصائم فضيلة الصبر الذى يعينه على تخطي العقبات ومواصلة السير على طريق الدعوة، دون وهن أو ضعف الصيام الذى يُكسب صاحبه فضيلة الحِلم على الجاهلين، فإذا خاصمه أحد أو سابَّه أو استثاره يكظم غيظه ويحلم، ويقول إني صائم إني صائم
الصيام الذى يربي في قلب الصائم العطف على الفقير والمحتاج، حينما يشعر بألم الجوع فيسارع إلى مد يد العون له
الصيام الذى يعوِّد المسلم على الاهتمام بالأوقات والدقة في المواعيد، فكل صائم يتحرى وقت
الإمساك ووقت الإفطار ويُدقق في ذلك؛ حتى لا يبطل صومه بسبب الإهمال أو عدم الدقة،
وتكرار ذلك كل يوم لمدة شهر يُكسب صاحبَه هذه الخاصية العظيمة

الصيام الذى يكسب صاحبه حب الدعوة الى الله عز وجل وحب اخوانه واخواته فى الاسلام فينصح العاصى بحب ورفق ولين ويتعاون مع الطائع فى اعمار الارض الذى استخلفهم الله فيها

الفضل العظيم..للضيف الكريم
****************************
ولكى نحقق معنى الصوم الحقيقى فى نفوسنا..اترككم مع ضيفنا الكريم ليعرفكم بنفسه وبفضله العظيم فهيا بنا:
أنا شهر رمضان..لا آتى الا مرة واحدة فى العام..يفوز بى من يفوز..ويخسرنى من يخسر..فمن فاز بما فىّ من فضائل فقد نجى..ومن خسر ما فى من فضائل ولم يغتنمها فقد ابتلاه الله بدعوة حبيبى رسول الله حينما قال: " رغم أنف عبد أدرك رمضان ولم يغفر له" أى :الذل والمهانة لعبد اردك رمضان وخرج منه ولم يغفر الله له ذنوبه..وذلك لان ذلك العبد لم يستغل ما بى من فضائل ونام عنها ونسيها..ولكن..ما هى فضائلى..دعونى أحدثكم عنها:
1_أنا شهر الصبر..وثواب الصبر الجنة قال تعالى"..أنما يوفى الصابرون أجرهم بغير حساب"
2_أنا شهر مضاعفة الحسنات.."..من أتى فيه بخصلة من الخير كان كمن أدى فريضة فيما سواه ومن أدى فريضة فيه كان كمن أدى سبعين(70) فريضة فيما سواه"
3_أنا شهر الدعاء المستجاب.."..أن للصائم عند فطره دعوة ما ترد"
4_أنا شهر تكفير الذنوب..." من صام رمضان وعرف حدوده وتحفظ مما كان ينبغى ان يتحفظ منه كفر ما قبله" رواه أحمد
5_أنا شهر الصدقة.." أفضل الصدقة صدقة فى رمضان"
6_أنا شهر الاعتكاف..."كان رسول الله صلى الله عليه وسلم اذا دخل العشر الاواخر شدّ المأزر وأيقظ أهله" أى للاعتكاف والعباده
7_أنا شهر القيام..."من قام رمضان أيمانا وأحتسابا غفر له ما تقدم من ذنبه"
8_أنا شهر ليلة القدر..." من قام ليلة القدرإيمانا واحتسابا غفر له ما تقدم من ذنبه".
."أن هذا الشهر قد حضركم وفيه ليلة خير من ألف شهر من حرمها فقد حرم الخير كله ولا يحرم خيرها الا محروم" اى ليلة القدر
9_أنا شهرالرحمة والمغفرة والعتق.."أوله رحمة وأوسطه مغفره وآخره عتق من النار"
10_أنا شهر الجُنّة(الوقاية)..." الصيام جُنة" أى: وقاية من الذنوب والمعاصى ومن النار
كما أن لى فضائل اخرى اختصصت بها وهى أن:
1- خلوف فم الصائم أطيب عند الله من ريح المسك.
2- تستغفر الملائكة للصائمين حتى يفطروا.
3- يزين الله في كل يوم جنته ويقول: « يوشك عبادي الصالحون أن يلقوا عنهم المؤونة والأذى ثم يصيروا إليك
4- تفتح فىّ أبواب الجنة وتغلق أبواب النار.
5- فيه ليلة القدر هي خير من ألف شهر من حرم خيرها فقد حرم الخير كله.
6- يغفر للصائمين في آخر ليلة من رمضان.
7- لله عتقاء من النار في آخر ليلة من رمضان.
8_ القران والصيام يشفعان للعبد يوم القيامة وانا شهر القران والصيام معا
هذا انا..وهذا فضلى..وهذا ما اعده الله لك من ثواب وعطاء..فماذا اعددت أنت من عمل وبذل وعطاء لكى تحصل على ثواب الله واجره وفضله؟؟

وحتى نكون _قوم عمليون_سنضع خطه واهدافا نسير عليها طيلة شهر رمضان

ونتعاهد امام الله عز وجل ان نفعلها طول شهر رمضان قدر الامكان
"لا يكلف الله نفسا الا وسعها"..فهيا بنا:

1_أنا والقرآن

شهر رمضان هو شهر القران وقد كرم الله ذلك الشهر بان انزل فيه القران فهل فهمنا هذا المعنى العظيم؟؟
وتعالوا نتخيل ثواب القران..نعلم ان الحرف بحسنه والحسنة بعشره..فتخيل معى..الجزء تقريبا فيه 7000 حسنة (كما قال بعض علماء الكمبيوتر)..فماذا لو قرانا جزء من القران؟؟
7000 حرفx10 حسنات x70 ثواب رمضان= 4900000 حسنة..يعنى 5 مليون حسنة فى ساعة نقرأ فيها جزء واحد..فما بالكم من ختم ختمة او اتنين او اكتر؟؟

2_أنا والصدقة

شهر رمضان شهر الجود والكرم وقد كان رسول الله صلى الله عليه وسلم اجود ما يكون فى رمضان وكانه كالريح المرسله..لماذا ذلك التشبيه؟ لان الريح عندما تاتى لا تفرق بين شاب او عجوز او فقير ومسكين كما انها تاتى بعطاء وافر وكثير ولا تختص بمكان او جهه معينه بالخير..فهكذا كان نبينا صلى الله عليه وسلم وهكذا يجب ان نكون..وخير الصدقة صدقة فى رمضان
يلا نخصص جزء معين من فلوسنا او مرتبنا ونقول: دى فلوس رمضان طول الشهر ولا تبخل فان الله ينمى الصدقة حتى تكون عنده كجبل أحد
هل من مشمّر وباذل للعطاء من أجل ذلك الصواب العظيم؟؟

3_أنا والصلاة

عدّى علينا 11 شهر واحنا مضيعيين الصلوات...يا اما بنصلى فى البيت او مش بنصلى فى جماعه او مش بنصلى بخشوع او مش بنصلى اصلا..ورمضان ده فرصه..فرصه لتكفير ذنوب الصلوات الفائته وفرصة لتظبيط صلاتنا ..وحتى نستشعر اهمية ثوابها وخصوصا فى رمضان..تعالوا نشوف الحسبة دى:
يقول النبى صلى الله عليه وسلم: " صلاة الجماعة أفضل من صلاة الفذ(اى الفرد) بسبع وعشرين درجة"
فتخيل معى 27(ثواب الصلاة فى جماعة وليس فردا)x 5 صلوات فى اليوم x70 ثواب رمضانx10 حسنات لأن الصلاة تساوى 10 حسنات اذا كانت فردا=100000 تقريبا
فتخيل كل الثواب ده فى يوم واحد بس..يعنى 100000x30 يوم رمضان=3000000 حسنه..يااااه كتير قوى
ياترى بعد ه كله هنسيب الصلاة فى رمضان ونضيع الثواب العظيم ده
ولا هنبقى مع اللى قال عنهم ربنا" فويل للمصلين الذين هم عن صلاتهم ساهون" قال ابن عباس هم الذين لم يصلوها على وقتها..فما بالكم بمن تركها اصلا..فيلا روح وصلى فى المسجد فى جماعة اولى..وانتى يا اختى اول ميأذن للصلاة صلى على طول ..حتى ناخذ الثواب كاملا باذن الله

4_أنا وصلاة التراويح

يقول النبى صلى الله عليه وسلم:"من قام رمضان ايمانا واحتسابا غفر له ما تقدم من ذنبه"
ونحن لا نصلى التراويح الا مره واحده فى العام وهى فى رمضان..فليه نضيع الفرصه دى..صلى فى المسجد..صلى فى جماعه..صلى حتى فى بيتك لوحدك..بس نصلى وناخد الثواب والمغفرة من الله عز وجل

5_أنا وصلة الارحام

بقالك قد ايه مزرتش خالك او عمتك او جدك؟؟ ياااه كتير قوى مش كده
طيب رمضان فرصة اننا نوصلهم ونزورهم ونسال عليهم..كفايا مقاطعة ليهم.احنا فى رمضان عايزن الرحمة تنزل علينا..لكن مش ممكن تنزل واحنا مقاطعين لاهالينا واقاربنا..يقول النبى صلى الله عليه وسلم:" أن الرحمة لا تتنزل على قوم فيهم قاطع رحم" مش على القاطع الرحم فقط..لا..ولكن عليه وعلى القوم من حوله.فما بالك بالقاطع نفسه؟؟فلنصل ارحامنا ولو بالتليفون او حتى رسائل الـsms

^_أنا والدعـــاء

عندك مشكلة ونفسك تخرج منها؟
عندك امنية ونفسها تتحقق؟؟
عند حاجه نفسك تقضى؟؟
يقول النبى صلى الله عليه وسلم :" {ينزل ربنا حين يبقى ثلث الليل إلى سماء الدنيا فيقول: هل من سائل فأعطيه؟ هل من مستغفر فأغفر له؟ هل من داعٍ فأجيبه؟ }.
يقول الله تعالى" وقال ربكم ادعونى...استجب لكم"
انه الدعاء ..ذلك السر الربانى الذى ياتى فيغير معالم الاحداث
يقول النبى صلى الله عليه وسلم: "لا يرد القضاء الا الدعاء" فقد يمنع الدعاء مصيبة كانت ستنزل بك
وقد يفتح الله لك الخير كله فلا تشقى ابدا بسبب دعوة مخلصه من قلبك
وان كان ذلك فى كل يوم فما بالك فى رمضان
يقول النبى صلى الله عليه وسلم: "أن للصائم عند فطره دعوه مستجابة لا ترد" فهل تصدق حبيبك محمد صلى الله عليه وسلم؟
يعنى طول مانت صائم من الفجر للمغرب دعائك مستجاب
والربع ساعه قبل المغرب دى الدعاء مستجاب فيها قوى قوى قوى
خصص دعوات والح عليها فى رمضان..فقد كان الصحابه يعدون دعوات مخصوصة يلحون عليها فى رمضان فما ينقضى رمضان ويجىء رمضان التالى الا وقد استجاب الله لهم تلك الدعوات..فلا تضيع ذلك الثواب والخير ابدا..وادعى لك ولاهلك واقاربك ولا تنسى اخوانك واخواتك المسلمين فى كل مكان وفى فلسطين والعراق فان لك بكل مسلم تدعوا له حسنه

*****************************
هذه كانت بعض الواجبات التى سنتعاهدها فيما بيننا..ولكن رمضان اوسع واكبر من ذلك
ولذلك سنتعرض لبعض الافكار الرمضانية التى قد نفعلها فى رمضان ونستغل بها ذلك الشهر الكريم فى مضاعفة حسناتنا وثوابنا فى ذلك الشهر الكريم

أفكار رمضانية
******************
1_أبعت رسائل sms للناس وفكرهم بالنية فى اعمالهم وتاخد ثوابهم ان شاء الله
2_هات علبة بلح(5 أو 6 جنية) وانزل قبل المغرب بعشر دقايق ووزع على الناس التمر والبلح فى المسجد او الشارع وتاخد ثواب صائم وكانك صمت رمضان اكثر من مره..ومن لم يستطع فعليه ان يعطى العلبه للمسجد فهى تفعل ذلك يوميا
3_تعاون مع والديك فى شراء الطعام بنية بر الوالدين وتعاونى معهم فى تنظيف الاطباق وتحضير الطعام
4_اشغل وقتك فى مشروع خيرى(اطعام الطعام..دعوة الى الله..مساعدة فقراء ومحتاجين..الخ) وخد ثواب كبير
5_انزل اشترى حلويات واكل للاطفال الفقراء او بلالين..بنية ادخال السرور عليهم فهى من احب الاعمال الى الله كما جاء فى الحديث الشريف
6_جمّع اهلك وجيرانك واعمل افطار لفقراء الشارع عندك (مائدة رحمن صغيره) ولو مره فى الشهر
7_جمعى صحباتك واقعدوا فى بيت واحده منكم واذكروا الله او اعملوا حلقة ذكر وعلم وقراءة قران او تفطروا مع بعض او كل واحده تعزمكم عندها وبكده تاخد كل واحده منكم ثواب تفطير صائم
8_اعمل مجلة او لوحة عن رمضان فيها معلومات واحكام وفضل رمضان وعلقها فى البيت او فى المسجد او فى العمل
9_اتفق مع اصحابك فى الشهر ده على جزء معين من القران او سورة من القران تحفظوها وفى نهاية الشهر تعملوا مسابقة فى السورة دى واللى يفوز ياخد جايزة وبكده تبقوا اخدتوا ثواب وجوايز وكمان حفظتوا حاجه جديده من القران..وممكن تقروا طول الشهر تفسيرها من كتاب تفسير صغير عشان تفهموا وانتو بتحفظوا
10_والدتك_جدك_عمتك_خالتك..نسيتوهم؟؟ يلا هات الموبيل واطلب وابعت sms وصل رحمك..وخلى ولو كل اسبوع زياره(رمضان 4 اسابيع) لكل واحد منهم..لتاخد ثواب صلة الارحام
11_جربى تحطى فى مطبخك راديوا او شغلى راديوا موبيلك على اذاعة القران الكريم وتبقى بتشتغلى وانتى بتسمعى القران الكريم..او علقى آيه قرانية او حديث جميل على باب البيت عشان اللى يدخل يقراه وتخدى ثواب
12_جمع ابنائك وبناتك وابناء اقاربك واعمل لهم خروجة بسيطة وفسحه حلوة بنية ادخال السرور عليهم واعمل لهم مسابقة حلوه وفى الاخر اديهم جايزة او خدهم وافطر معاهم بره فى اى مطعم جميل عشان تجع شملهم مع بعض
13_ممكن نقرا تفسير سورة كلنا حفظنها وبنحبها(الكهف مثلا او يس او مريم او الرحمن) وتصلى بيها مع اخوك او اختك او والديك او حتى اصحابك لنتعلم تدبر القران وكمان نبقى حفظنا سورة جديده بتفسيرها البسيط
14_ممكن نقرا شوية عن سيرة حبيبنا صلى الله عليه وسلم ولو غزوة بدر واللى كانت فى شهر رمضان ونتعلمها ونعلمها لابنائنا واصحابنا
15_ايه رايك تجيب شريط قران او درس دينى جميل وتديه لاصحابك كل واحد منهم يخده يوم (30 صاحب فى الشهر) او تديه لسواق تاكسى او ميكروباص يشغله فى عربيته للركاب او تحطه فى المسجد لاى حد يسمعه وتبقى داعبة الى الله بذلك الشريط؟
16_ايه رايك تزور دار ايتام او دار مسنين وتدخل السرور عليهم وتعمل بحديث النبى صلى الله عليه وسلم:" الساعى على الارمله والمسكين كالمجاهد فى سبيل الله او الصائم الذى لا يفطر والقائم الذى لا يفتر"
17_ايه رايك تزرع شجرة ادام بيتك او زهور جميله او تنظف الشارع انت واصحابك وتزينوا الشارع بمناسبة رمضان..وتبقى طبقت حديث النبى" ان الله جميل يحب الجمال...نظيف يحب النظافة..فنظفوا أفنيتكم"؟؟
18_ايه رايك تبعت على الكمبيوتر لاصحابك على ايميلك او الفيس بوك كل يوم حديث جميل او آيه جميلة او دعاء حلو او معلومة عن رمضان او حكم فقهى رائع..وتبقى دليت على الخير بعلم ينتفع به وصدقه جارية ليك
19_ايه رايك تحضر درس كويس وتتكلم فى المسجد او تقوله لاصحابك او حتى تكتبه وتوزعه بين اصحابك او لو مش بتعرف تتكلم على الاقل توزع كتيبات صغيره او قصائص ووريقات مكتوب فيها نصائح دينية جميله مع البلح اللى هتوزعه؟؟
20_ايه رايك تاخد الثواب مرتين..يعنى ايه؟ تروح تصلى التراويح فتاخد واحد معاك..تفطر صايم..وانت رايح تفطر صايم تاخد واحد معاك..وانت رايح تصلى تاخد واحد معاك..وانت رايح الاطعام او مشروع خيرى تجيب واحد معاك..وهكذا وتاخد الثواب مرتين؟؟ [/SIZE]

التوقيع

يا الله يا الله ياحبيبى إجعلنا نكون بجوار حبيبى رسول الله صلى الله عليه وسلم فى الفردوس الأعلى قولوا آآآآآآآآميييييين

الملزمه الرمضانيه 2009 ( اقرأ - نفذ - صور - انشر ) Ramadan

الملزمه الرمضانيه 2009 ( اقرأ - نفذ - صور - انشر ) Ramadan

والله موضوع جميل جدا وانا حرصت انى اشوفه كله لانه يجذب الانظار ليه

زائر

شكرا علي مجهودك الرائع ونتمني المزيد
وفعلا موضوع جميل ومفيد جدا

جزانا وإياكم ياشباب الاسلام

شكرا على مرورك العطر

شكرا داعية الهدي موضوع روعة وجميل
جزاكي الله خيرا

جزانا وإياكى يااحلى بنوته

شكرا

» pes 2009 cooooooooooooooooooollll
» Clutch 2009
» SummerSlam 2009
» .::Best Pictures 2009::.