حلى عنا يامدارس

حلى عنا يامدارس ..

السلام علي من اتبع الهدى ورحمة الله وبركاته ..

والصلاة والسلام على محمد بن عبد الله ..

وصحبه وآله ومن والاه ..

.,.,.,.,.,.,.,.

أما بعد ,,,

كل سنه وإنتو طيبين ..

.....

إنتهت الأجازه ..

وخلاص مفيش حل غير اننا نرجع مدارسنا ..

بس المدارس ليها شوية متطلبات .. متنفعش من غيرها ..

بابا لو سمحت من فضلك عايز بنطلون .. وجزمه .. وشنطه ..

وكراسات .. وسندوتشات .. ومصاريف الكتب .. وإشتراك الترام ..

وأهم حاجه المصروف .. وعايز آخد درس فى العربى والإنجلش والفرنساوى ..

والكيميا والفيزيا والأحياء والفلسفه .. ورياضه 1 ودرس فى التربيه الوطنيه ..

ودرس فى التربيه الإسلاميه .. وأهم حاجه درس الدين يامؤمن ..

أيوه ياعم أمال إنتا فاكر ايه .. دى شهاده .. ولا إنتا عاوزنى أسقط بقى ..

وتيجى تعملى موضوع .. وتقول لماما إنتى اللى خسرتى العيال ..

وتتخانقوا .. وتقولها والله ما إنتى قاعده فيها ..

روحى على بيت أبوكى .. وخدى العيال معاكى ..

على أساس إننا الحيطه المايله اللى فى البيت ده .. كل حاجه العيال العيال ..

دى بقت حاجه تخنق ياراجل .. أما مش قد الخلفه بتخلفونا ليه ..

ما قالولك إسأل إستشير .. لازم يعنى تعمللى برم ..

عايزنا دلوقتى يعنى نعيش مشردين فى الشوارع ..

والبت الصغيره بنتك تلف تشحت من البيوت ..

بس بس بس ..

إستنا .. هيا حصلت تشحت ..

بس ياحبيبى أمك شطبت على اللى حيلتى ..

مصاريف رمضان .. وكحك العيد .. وهدوم العيد ..

لأ وبترتب من دلوقتى على خروف للعيد الجاى ..

بزمتك .. أنا الموظف الغلبان المطحون فى الأرض أعمل ايه ..

أجيب منين .. ماذا تفعل لو كنت مكانى ..

ستار ...

كاريكاتير عميق المغزى ..

إمتلأت الدنيا بتصريحات متضاربه عن بداية المدارس السنادى ..

الجمل .. المدارس فى ميعادها .. ومفيش أجازه الجمعه ..

فترتين .. 3 فترات .. 3 أيام بس .. وأهم حاجه الصابونه ..

كل عيل الحكومه لازم تصرفلوا الصابونه والفوطه .. وأوعى تتنازل عن حقك ..

الجبلى .. أنفلونزا الخنازير ستجتاح المدارس لا محالة ..

محذراً .. إن خلص الفول .. أنا مش مسؤل ..

طبعاً بقى دى بقت حاجه تطهق ..

أنا بصفتى أحد مؤيدى إن الإنسان لازم يتعلم لأن العلم نورن ..

وعشان لما يروح يخطب البت اللى قعد يحبها بقاله خمسميت سنه ..

يلاقى حاجه يحطها فى وش الراجل أبوها ..

ولكن العلم مش هيطير يعنى .. نلغى المدارس السنادى ..

ونقضيها دش وإنترنت .. ونروح عـ الإمتحانات ..

والله فكره جامده ..

إلحق ياحماده حصة الإنجليزى بتاعتك جت أهيه على القناه الأولى ..

دير ستيودنت أوبن يور بوك . ولكن بعد فاصل إعلانى طويل ..

السمنه السمنه السمنه .. فودافون موبينيل اتصالات إشحن وإنتا قاعد ..

حاجه ساقعه بيبس .. عزيزى الطالب روق دمك وإنتا بتذاكر قدام التلفزيون ..

تقديراً من وزارة التربيه والتعليم وإيمانا منها بمجهودات أبناءها الطلبه .. تهديهم هذه القصه ..

حلى عنا يامدارس Get-9-2009-Giantup_CoM_k8zgd4n2

جملها بالستر من عندك ياكريم ..

ربنا يكون فى عون الاباء

انا قلت هيا سنة كوسة على دماغنا

ان شاء الله هتكون سنة حلوة

شكرا على مروركم

ببيتو

شيفا