أسئلــه رخمـه جـدآ فى حياتنـا اليوميـه

فيه أسئلة بديهية مالهاش اي لزمة في الدنيا
بنتعرض ليها كل يوم من كل الناس
خلـونـــا نشوف أمثلة

*******

إنت في أوضتك.. على السرير وطافي النور ومتغطي
ييجي حد ويفتح الباب عليك ويقول: ايه ده انت هتنام ولاّ ايه؟

(( أظن ده مش سؤال !!! واضح ان انا هنام ))

*******

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتـواااااااا؟

(( لا لسه ))

*******

والعكس: انت لابس هدومك ومتأنتك وعلى سنجة عشرة وريحة البارفام واصله لاخر الشارع.. وخلاص بتفتح باب الشقة,, يجي حد وينادي بصوت عالي: انت خااااارج ولاّ اييييييييييه

(( ! لاء دانا لسه راجع ))

*******

أو مثلا راكب العربية ودوّرتها وخلاص هتطلع.. يجيلك لك البواب ويخبطلك على الزجاج,, انت بكل ذوق تفتح الزجاج وتقوله: خير في حاجة؟

يقولك: انت رايح الشغل يابيه؟

(( لا.. العربية واحشاني ))

*******

مثلا ماسك سماعة التليفون وقاعد تضغط الارقام يجي حد ويقولك: انت هتتكلم في التليفون؟

(( لا.. بتفرّج عليه ))

*******

مثلا: ماسك مذكرة أو كتاب وقاعد تحفظ ومتحمس (أول مره بقى).. جه حد وقالك: هاه.. قاعد تذاكر؟

(( تقوم رامي الكتاب وتقوله لااااااااء ))

*******

ربنا هاديك كده.. ماسك سبحة وعمال تسبّح، يجي حد من البيت يعدي عليك ويقول: هوّه انت بتسبح؟

(( لاء.. هفرطها وأسلقها ))

*******

ولاّ تعالو شوفو قنواتنا واسئلتهم البديهية البايخة

برنامج اهداءات يتصل واحد يطلب أغنية

ترد عليه الست المذيعة بكل خفه ورشاقة: إنتا بتحب الاغنيّة ديه ولا ايه؟

(( لاء.. طالبها اخنق نفسي بيها ))

*******

أو مثلا في العيد

المذيع: هههههه هههههههه هههههه نتعرّف بيك

المواطن: فلان الفلاني

المذيع :هههههه هههههه هههههه بتقول ايه للأهل ههه وصحابك ههه وقرابيك هههه وللناس اللي انت

مخاصمهم كمان؟ هههههه هههههه ههههههه

المواطن: أقولهم كل عام وأنتم بخير

(( أكيد يعني مش هيقولهم البقاء لله ))

*******

المذيعة الظريفة: وياترى بقى هتعملوا ايه العيد ده هتقضوه ازاي؟

أكيد بيبقى زيارات الأهل والصحاب وتخرجوا تشوفوا مظاهر العيد في الشوارع وتفسحوا أولادكم ونتصل

بالمعارف نعيّد عليهم ونقولهم كل سنة وانتو طيبين

(( سبتيله ايه يقوله يارخمة؟ ))

*******

والأسخف بقى.. الشلل الكبير.. لما المذيعين يكلّموا الاطفال

يقول المذيع للطفل: إنت بتحب ماما وبابا؟

(( يعني أساسا الواد لسه ما طلعلوش عرق الندالة علشان يقول لأ ))

*******
منقول

هههههههه
فعلا يا اسماعيل منين مانروحو نلاقوا الاسئلة الرخمة ف كل مكان بس اهى حاجة اتعودنا عليها

هههههههههههههههه فعلا يا اسماعيل الكلام دة بيحصل

زائر

اه فعلا ممكن تكون حصلت معايا

اان مره كنت نايم لقيت حد بينادى عليا بيقلى ازيك صحتلوه قولتلوه ده وقتوه يا رمه يا ....................

هههههههههههههههه

اكيد يا احمد مكنتش متغطي سعتها

والأسخف بقى.. الشلل الكبير.. لما المذيعين يكلّموا الاطفال

يقول المذيع للطفل: إنت بتحب ماما وبابا؟

(( يعني أساسا الواد لسه ما طلعلوش عرق الندالة علشان يقول لأ ))

*******

عرق النداله هيطلع قريب

f3ln bgd 7aga bt5n2ny
we blzat wana naima we ats2l howa enty naima

زائر

الجو كان حر يا عمر

شكرا على احلى مرور

شيفا

تيتو

احمد

عمر

ببيتو

loly cat

نورتوا التوبيك

فعلا بيحصل يا اسماعيل

شكرا على مرورك محمد

بجد يا اسماعيل كل واحد بيحط موضوع شبه

ههههههههههههههه

ماشى ياكيمو

برضة مش هتبقى مدير